سئوگی احترامینا عزیز قلمداش دوستوم (علی هارای) جنابلارینا سونور

 

 

قوروب گؤزونده بولوتدان اوبا پاییز فصلی

دومانلی داغلاریلان سان کی آه لارین بسلی

 

اوزونده سئودالی اینسانلارین علامتی وار

دوداقلارین سوسوب آنجاق باخیشلارین سسلی

 

مدرن عصرده ییک هرکس اؤز آدین باغیریر

هنیز سنین بوغازیندان کرم دئییر اصلی

 

زامان دؤنوب بیزیده دؤنده ریب دییشدیردی

هوس سانیب دانیریق عشقی، هیجرانی، وصلی

 

هدر گزیر دلی کؤنلون بازار دولوب بدله

کسین تاپیلمایاجاق بوردا سئوگی نین اصلی

 

کسیلدیلر یئر اوزوندن قارشدیلار ناغیلا

اصیل گؤزللریلن دایناسورلارین نسلی

 

مهر 90