غزلسیز وشعیر سیز گونلریمدیر بو گونلر یوخسا ینی دن

 بو غزلی کی قاباقلار دا وبلاگیمدا واریدیرقویمازدیم

گوز قاباقینا یالنیز فصلی شاعیرم وبایرامی گوزتله ییرم

وار اولون .

 

 

زاماندا ایسته مه سه کهنه دردی تازه له ده

ائله زامان یتیشه ر درد اوزون دئشه دله ده

 

سوکوتی اوچدورابیلمیر ایچیمده آغلاماقیم

بو چولده بیر یئره چاتماز سنین سسین گله ده

 

چوبان نیینده اوزون سیز لاییر قویون مله ییر

او خان چوبان هانی نی چالسا قوردلاری مله ده

 

داغین باشیندا بولوتلار یئلی قوجاقلادیلار

سوروشدولر یئره ده چارپالاندیلار چوله ده

 

گویون گوزونده کی قارتاللارین اوچان سسی نه

منیم ایچیمده کی طرلان سیزیلداییر هله ده

 

او گون یادیمدادی قوندون او کولگه نین باشینا

آیاق اویونگول آیاق قالدی بیر آغیر شله ده

 

دویونله دی تله نین اللری آیاقلارینی

اوزاقدا بیر جوت آغیز قالدیلار آچیق جله ده

 

اوچوردی بیر دلی قارتال گویون گوزونده صاباح

گوی آزقلیردی قارالمیش بولودلارین اله ده

 

دادانمیشیدی گویه یئرده باغلانانمازیدی

اوچوردی قوش چابالیردی آیاقلاری تله ده

 

زاماندا ایسته مه سه کهنه دردی تازه لده

ائله زامان یئتیشه ر درداوزون دئشه دله ده

 

او گون یادیمدادی سن گویده قی ووروب ایتدین

منیم ایچیمده کی طرلان دا بو کیچیک قله ده...

 

سنین سسین گلیر آمما گولاقلاریم دوتولوب

قاناد لاریم ائده بیلمیر بو گوز یاشین سیله ده

 

منیم تله م یاشایش دیر منیم تله م ازومم

آیاقلاریم قورویوبدور اوزومده کی تله ده

 

ایچیمده کی دلی طرلانی سن اوزونله آپار

آپار بو طرلانی اوچسون ایچیمده کی قله ده