صائب تبریزی نین تورکی غزللری
1غزل
توتولموش کونلومی جامیله شادان ایله مک اولماز
الیلن پسته نین آغزینی خندان ایله مک اولماز
نه سوزدوربو کی اولسون دهرده صاحبنظر زاهد
قارا توپراقی هرگز آب حیوان ایله مک اولماز
بولود قیلان کیمی جولان وورارداایلدیریم تیغی
کونول پرده لرینده عشقی پنهان ایله مک اولماز
قیلینج گر ایچسه عالم قانینی سیرابلیق بیلمز
سنی عشاق قتلیندن پشیمان ایله مک اولماز
منیم گوز یاشیمی چیخ گل فلکلر دن تماشا ائت
حبابی قصر ایچینده سیر طوفان ایله مک اولماز
من مجنونی عاقیل ایله مک ممکن دئیر ناصح
سئوزیله مشکنابی بیل کی بیر قان ایله مک اولماز
ختادن گئچدی جیران قانینیمشک ایله دی"صائب"
دئمه عصیانی طاعت کفری ایمان ایله مک اولماز
2غزل
خط غباری عارضین.آیات قران ایله میش
حسن صاحب شوکتین موری سلیمان ایله میش
نقطه ی سحو ایلییوبدور گوزلرون جیران گوزون
قاشلارین بایرام هلالین طاق نسیان ایله میش
آزدیروبدورگول اوزون بلبللری گلزاردن
سونبولی ریحان خطون توپراقلا یکسان ایله میش
کعبه نی بتخانه ایلوبدور فرنگی کوزلرون
یئر اوزون زنار زولفون کافرستان ایله میش
باشینی خط شعاعیلن دوتوبدور آفتاب
تامنیم چابک سواریم عزم میدان ایله میش
لعل میگونون کی ایچیبدوربدخشان قانینی
غنچه نی بلبل گوزیندهقانلو پیکان ایله میش
التفات لعل جانبخشون قاراگونلی لری
خلق ایچینده پرده دار آب حیوان ایله میش
دردعشقین چهره ی زرینی لن بو عالمی
صفحه ی خوئشید تابان تک زرافشان ایله میش
موجه ی در یای احسانین دوتوبدور یئر اوزون
شوق وصلون بو جهانی شهر یونان ایله میش
نه عجب گر (صائب)یلن خطینی قیلدین رقم
خط خالین بئیله چوخ کافیر مسلمان ایله میش
3غزل
نه احتیاج کی ساقی وئره شراب سنه
کی اوز پیاله سینی وئردی آفتاب سنه
شراب لعل اوچون توکمه آبرو زنهار
کی دم به دم لب لعلون وئریر شراب سنه
اگر وورام یئره پیمانه نی گئچر ساقی
شرابدن نئجه! گوزتیکسه هر حباب سنه
قوروتما ترلی عذارون ایچینده باده ی ناب
کی گول کیمی یاراشیر چهره ی پرآب سنه
بو آتشین یوزویلن کیم دوتار سنون اتگین
حلال ائدر قانینی تا یئتر کباب سنه
شرابدن نه عجب اولماسا اگر سرخوش
بو دوزلی لبلریلن نیله سین شراب سنه
دئدیم چیخارداسنی خط حجابدن غافل
کی او غبار اولار پرده ی حجاب سنه
سنون صحیفه ی حسنون کلام (صائب)دیر
کی داغ عیب اولار خال انتخاب سنه
بیر صالح سجادی نین آنا دیلینده شعرلرینی وتورک ادبیاتی نین بویوک یازیچی لاری نین