سلام

یئنی ایلده سیزه اوجا اغورلار و درین دویغولار آرزیلاییرام

سوزو اوزاتمادان نیفرت له سئودییم اینسان لارا بایراملیق بیر غزل

 

---------------------------------

 

منیم آدیم هیجان دیر سیزی توووشدوره جک

ایچیمده بیر یارانیش وار اوزون زامان سوره جک

 

بوکئف منی یاشادیر باشقاسی اؤنم لی دئییل

نه فرق ائدر کی منی بیر زامان نه اؤلدوره جک

 

شعیر بیرآن دلی وولکان بیرآن دنیز کیمی دیر

دونن منی اودا چکمیش بوگون ده سؤندوره جک

 

نفس چکیر منی داغلار نفس چکیر منی یئل

صاباح بوتون وولکانلار بنوشه پوسگوره جک

 

********

 

منی تانیرمی سینیز؟ من سیزین باتان سسیزم

منی دویان سسی نی اؤزله ییب بیر اوسگوره جک

 

منی تانیرمی سینیز؟ من سیزین سیزیلتی نیزام

ائله کدرلی که بیر داش دا دویسا هؤنکوره جک

 

اؤنومده،  سیز و بو نیفرتله سئودییم تبریز

و بیر غزل کی منی دیللریزده سؤدوره جک

 

اونودماقا چالیشارکن او کیرلی اؤزلویوزی

منی بیرآینا کیمی، پاسلی گؤزلریز گؤره جک

 

سیزین داشیز دلی باز دیر، ایپیز پیشیک سری ین

بو کژ بینؤره نی آنجاق قبیر داشی هؤره جک

 

 

بازاردا قورشالادیز کیرپی گؤز قاسیم ایشه دی

سه راه دا ال چالاجاقسیزاؤکوز جاواد هوره جک

 

 

**********

 

ایچیم کئچیر خیاواندان یاشیل چیراق یاناراق

همن بوتون کامیون لار منه طرف سوره جک