سلام .

بوچارپارا منیم کلمه لرله گچیریلمیش عومرومده اول چارپارادیر کی آنا دلیمده یازمیشام آنجاق پیس یاخشی هر نه اولسا منه عزیزدیر نئجه کی بر اوشاق اول دیل آچاندا دئدیگی سوز لری هرنه ده غلط اولسا دا اونلاری سئوینه سئوینه تیکرار ائدر وشوقیلان اولاری دیله گتیرر ...

منه ده بو چارپارا اول اوشاقلیقدا دیل آچدیقیم کلمه لره تای عزیز دیر ونئچه یوللار بوچارپارانی اوزومله اوخویوب واوزومله آغلاییب گولمو شم آنجاق یاخجی پیسلیگینه منی عفو ائتسز منت دار اولارام .

 

اولدوزلار داشلانیب اووجلاریما

گویدن یئر اوزونه گوموش سپیلیر

مینلر گوز آچیلیب گو سینه سینده

گوزلر بیر بیرینه منی گورسدیر

 

آی بیاض کوینگین گییب اینینه

الینده بیر سینی ایچینده الماس

من تک اوتورموشام ای ایشیغیندا

بیلمیرم گویلرده تویدور یادا یاس

 

خیاوانلار یاتیب ائولر اویاخدیر

پنجره لر آچیق قاپیلار باغلی

شهریم اوتوروب آی ایشیغیندا

ایگیتلر دردیندن اورگی داغلی

 

سفرالار آچیلیب دولوسو بوشو

تانری سپه لنیب سفرا ایچینه

ائولر اورک کیمین چیرپینماقدادیر

اورکلر چیرپینیر بیر بیرلرینه

 

بیلمیرم گئجه نین نه ساعتی دیر

تبریزیم اوتوروب آی ایشیغیندا

حزین حزین باخیر گویلره طرف

منی ده اوتوردوب اوز قوجاغیندا

 

ساغ قالین.