بو گون...
سلام
نئچه بئله بایراملار گوره سیز!!؟؟
بیر سربست شعریله قوللوغونوزدایام:
بو گون ...
منم
گوزلريم پنجره لر دوستاقي
آغيزيم ايلک اينسانلارين خاطيره لر کوهولو
بوگون
بوغازيم تومورجوقلار مزاري
اللريم...
آه اللريم
بيرجوت چارپاناق تارلاسي
آياقلاريم
ايکي قوروموش آغاج
ايکي قلم اولموش قلمه
بوگون
سن سيز ليکده ن يونتانان بير هيکلم
شهرين بوتون ميدانلاريندا قورولموش
خياوانلارين آيريليق هندسه سي
************
بير گون ...
گوزلرين پنجره تک آچيلاجاق دوستاقيمين دووارلاريندان
بيرگون
من سيزليک تومورجوقون
مزاريمدا پارتلايا جاق
آغيزيمدا جيزيلان ايلک اينسانلارين شعير لرين
شهرين بوتون موزه لرينه اتحاف ائده جک لر
اللرين ....
آه اللرين بيرجوت سارماشيق باغيدير
دولاشاجاق دووارداکي شکليمين بوينونا
بير گون...
بوشهرين بوتون ميدانلاريندا
بوتون هيکللر
اونونده پارتلایاجاق بوتون خياوانلار بير بيرينه چاتاجاق
بير گون
سن گله جکسن
او گون....
آه
اوگون
هئچ زامان گلمه يه جک.
بیر صالح سجادی نین آنا دیلینده شعرلرینی وتورک ادبیاتی نین بویوک یازیچی لاری نین