چارپارا

بیلمیرم زامانی نئجه سوورسان

منه عقربه لر عقرب اولوب

صاباحیم قاییدیب اولوب دوننیم

بویونومده گون چیخمامیش قورتولوب

 

قوی سنین پنجره ن ایشیغا باخسین

منیم پنجره می گئجه بورویوب

او سرین سولاردان اوزاق دوشموشم

تیکانلیقدا جاوان جانیم چوئویوب

 

الی دولی گلدیم بوشالدی الیم

اورگی بوش گلدیم دولدی اورگیم

من یاشیل گولردیم قارا آغلادیم

دمیر مئشه سینده سولدی اورگیم

 

بیلمیرم بیلیرسن یا یوخ بورادا

دوستاقلارین آدی آپارتماندیر

بیمیرم بیلیرسن یا یوخ بورادا

آزادلیق تکجه بیر شولوق میداندیر

 

توتقون بیر گئجه دیرایچیمه دولور

بیر ایستیکان تبریز بیر ایستیکان سن

شهریمین یوز ایللیک قانلاریناتای

تهرانین بئینینده قایناییرام من

 

آیاق اوسته اولن آغاجلاراتای

اولسمده شاهیداول یخیلما میشام

بو شهرین ایچی بوش قولچاقلارینا

روحونا آند اولسون ورولمامیشام

 

بیلمیرم زامانی نئجه سوورسان

من صاباحا چیخسام سوینه جگم

بالیق تک شوشه می سیندیربب سونرا

دنیزیمه طرف سورونه جگم