دومان

یاشامالیسان

سلام

(ياشاماليسان) عزيز دوستوم سعيد موغانلي نين بو اصطلاحي آذربايجان شاعير لرينين چوخونون ديلينه دوشوب دوزون سوزو سعيدين بو سوزو چوخ يورولانلارا انرژي وئريب

ائله بير سنه بير يئردن بير سس حكم ائدير كی: نه يه دايانميسان بيلميرسن كي دايان سان اولمه لي سن؟ چاليش سن ياشاماليسان

ياشاماليسان ياشاماليسان ....

بو گونلر البته ياشامالي گونلر ياشاميريق هئچ يئرده ياشاماق آثاري گورونمور اومودا اومود يئري يوخ آما يئنه همن سس باشيمدادير

ياشاماليسان دوغرسو شاعير جماعتين ياشايشي يازماق دير يوخسا حياتلاری

فلسفه سين الدن وئره رنه بيليم بلكه ده بير گون بو اولكه ده شعير انتقلاب ائده جكدير

بير غزل قوللوغوزدايام

كؤك آتميشام سنه باغرين قبيرسه ده بو سراي دان كئچنميرم

آز چوخ منيم كي سن دونيا ني وئر سه لرده بو پايدان كئچنميرم

دردين اولاي سادا دردين ضرر سه ده اونو آلديم منيمسه ديم

دردين جانيمدادير دوغرانسادا ايچيم بو اولاي دان كئچنميرم

ساللاندين آلما تك توپلاندي آرزي لار سيراسي ال اوزاتما غا

داغ داش دا صف چكيب يئر گوي ده ال آتير بو آلاي دان كئچنميرم

سئودان دويوشسه ده آت دوشمه يينجه دوشمه رم آتدان ييخيلمارام

قان تك پيچاق بازام يا قانلي بير پيچاق كي قالاي دان كئچنميرم

باخ گور هاياندايام هاردان هارا چكيب گتيريب آرزي لار مني

من سون دوراق دايام سئوگيم اوتانديرير آما هاي دان كئچنميرم

من بير سئليديم آخ آخديم دنيزلر آرديجا بيرآن دايانما ديم

باخدين بير آن منه اينديسه بير گؤل اولموشام آي دان كئچنميرم

من بير سئليديم آخ بير قيز مني آداخلي سي تك باسدي باغرينا

اينديسه بير چوبان... من بير قيسيرقانام كي (ساراي) دان كئچنميرم

من بير درين چايام من دن بو تايدا بير نفر آغلير آداخلي سين

من دن او تايدا دا بير قيز سيزيلدايير كي: "بو چايدان كئچنميرم"

من بير يازيق چايام بيرده ن بيره اوزوم اوزومه سرحد اولموشام

سن سه او تايداسان من بيلميرم نه دن دي بو تايدان كئچنميرم

باخ گور هاياندايام زيروه يديم ايندي بير اوچوروم اولموشام گولوم

عومرو اوتوزموشام زاي ميش بو سئوگي آمما بو زاي دان كئچنميرم

بير گنج آغاج كيمي قيشدان قوتولموشام گول آچيب بار گتير ميشم

آزجا پاييز گلير من آمما تارلالار كيمي ياي دان كئچنميرم

دونيا نه دير منه دونيا بويوك مريض خانا دير من ياتانميرام

هر يئرده بير شكيل بيرقيز دئيير:" سوس". آمما هاراي دان كئچنميرم

كؤك آتميشام سنه من بير قورو آغاج كيمي كؤك آتميشام سنه

توپراق عزيز اولار دونياني وئرسه لرده بو پايدان كئچنميرم

یاشامالیسیز

+نوشته شده در شنبه بیست و هفتم تیر 1388ساعت15:8توسط صالح سجادی |

اینانیردیق

سلام

یاشام بیر قایدادیر اما اوندااولان اولای لار هئچ بیر قایدا یا باش این دئیر لر

آنجاق بو قایدادنی پوزانلار ویاشایشی یئنی دن دوزن لر ده واردیلار

بو ایشه نئچه یول وار : سیاست اسلحه پول و...

شعیرده بو امکانلارین بیری دیر

وشاعیرلر ...

شعیرده پول اسلحه و سیاست کیمین دونیانین قایدالارینی پوزماق امکانلارینین بیریدیر

شعیر دونیانی دیشه بیلر

اگر شاعیر اسلحه دن قورخمایا

اگر شاعیری پولسوزلوق ساتقین لیغا سالمیا

اگر شاعیر سیاست ده استحاله اولمایا...

نه بیلیم بلکه ده بیر گون بیر غزل تاریخی بیتیره جک

بیر غزل قوللوغوزدایام

اینانیردیق گئجه دن دان چیخاجاق قارشیمیزا

داغی آشساق یاشیل اورمان چیخاجاق قارشیمیزا

اینانیردیق او گوزل گزمه لی اورمانلار ایرـ

قورخولاردان قوتاراق جان چیخاجاق قارشیمیزا

بیر ناغیل سحرینه آلدانمیشیدیق بیلمیردیک

آجی گئرچک لر اوباشدان چیخاجاق قارشیمیزا

زیروه لر آردیجا چیخدیق اوجا داغلار باشینا

بیلمه دیک زیروه ده وولکان چیخاجاق قارسیمیزا

اوو چولار گولله لدی اورمانا اوز دوندر دیک

نه بیلیردیک دلی قافلان چیخاجاق قارشیمیزا

******

چیراغ الده گزیریک تبریزی هر دن دئییریک:

"گوره سن بوردا بیر اینسان چیخاجاق قارشیمیزا؟"

قالدیریلمیش قارا پرچم لره گوز تیکمیشدیک

بیز سانیردیق آپ آل عصیان چیخاجاق قارشیمیزا

سن دئدین:باخ خیاوانلار آراسی نرده لره

من دئدیم:آخ یئنه زیندان چیخاجاق قارشیمیزا

سن دئدین :تهلیکه لر وار تانی دوست دوشمنی وی

بونو اویرن هره هاردان چیخاجاق قارشیمیزا

دوشمن او دوست دی کی گلسه قاباقدان گله جک

دوست او دوشمن دی کی دالدان چیخاجاق قارشیمیزا

دوشدو گویدن یئره بیر آلما ال آتدیم گوتوره م

سن دئدین:آت یئره شیطان چبخاجاق قارشیمیزا

******

بیز توکندیک گئجه باتدی سحری تامسینیریق

زیل گونش ایندی افق دان چیخاجاق قارشیمیزا

من دئدیم:زیروه ده اورمان دا یالان چیخدی؟ دئدین:

داغی آشساق یاشیل اورمان چیخاجاق قارشیمیزا

+نوشته شده در سه شنبه پنجم خرداد 1388ساعت11:40توسط صالح سجادی |

دایان...

سلام

چوخداندیریوخودوم چوخلاری باش چکمیش اوزگونم عذرومو قبول ائدین

آنجاق بلکه بوندان سونرا بو ایشلره وقتيم چوخ اولا!!

بو گونلر عاشورا عاشورايا قاريشيب تسليت وتآسف دان سونرا اليميزدن نه گلير؟؟

بير عاشورايي غزل دن سونرا آيري سوز يوخ

.................................

دايان زامان بئله گئتمه بيزي قاباقلارا قايتار

بو گئت به گئت بوشالان آرخانی داياقلارا قايتار

ايتيرميسن اوزونو دونياني هارا آپاريرسان

بيرآز دايان تله سن تاريخي دوراق لارا قايتار

بويون گون اورتا قيامت يئتر اگر بئله گئتسن

بو سون گونون گونشين بيرداها شافاقلارا قايتار

بيزي هارا آپاريردين يئتيرميسن هارا ايندي؟

آياقلار آلتدا بوراخما غرور لو داغلارا قايتار

چمن بيزيك سوقاليبدير آلاغ لارين گديیينده

سويو بيزه بوسوسوزلوق تبين آلاقلارا قايتار

بولاق بيزيك ودنيز بيز چايين اوباش بو باشي بيز

دنيزلره گئري قايتارسويو بولاغلارا قايتار

************

جنازه لر هاميسي ساپ ساري چولون اوزو آپ آل

قاييت دالي بو آخان قانلاري ياناقلارا قايتار

نه ارته باتدیلا گونلر نه ارکن اوچدولا قوشلار

"نه تئز گئج اولدو"*مني بيرده اول داياقلارا قايتار

دنیز دوشوب یئره چایلارسوسوز چاناغلارا اوزگون

اومود سویون جالانان مشکیدن چاناغلارا قایتار

نئجه بو كيپريگي اوخ گوز قفيل دن اوخلانيب آخسين

بو گوزلري يئنه اول حيرصلي قاشقاباقلارا قايتار

او تئللر آردیجا اس يئللري قاباقلا داياندير

اوشاقلارين يولونان ساچلارين داراقلارا قايتار

آياقلاريندا تيكان قوللاريندا قاندالا قيیما

اوتور مني آتامين كولگه سين اوشاقلارا قايتار

**********

سن ايسته سن. مني تانريم اولومده سوسدورا بيلمز

سسين باشيمدا او كوره ك سسي قولاقلارا قایتار

بو نيزه (عمر عاص)ين ديرسادا سنين كي دي قران

نفس يئتير يئنه قران سسين دوداقلارا قايتار

**********

باتير منيم قانيما پاسلانان قلملري شاعير

يالانلار آلتدا ايته ن تاريخي واراق لارا قايتار

....................................

*ناگهان چه زود دير ميشود.قيصرامين پور

+نوشته شده در پنجشنبه نوزدهم دی 1387ساعت12:11توسط صالح سجادی |

دومین جشنواره ی سراسری شعر خط سوم

فراخوان دومین جشنواره سراسری شعر خط سوم

خانه شاعران تبريز با همكاري سازمان فرهنگي هنري شهرداري تبريز برگزار مي كند:

دومین جشنواره سراسري شعر خط سوم

این جشنواره در دو گروه شعر فارسي و تركي آذربايجاني و دو گرايش قالب هاي كلاسيك وقالب هاي نو ودرموضوعات زيربرگزار می گردد:

۱ـ موضوع اصلی:( آزاد )

۲ـ موضوع ویژه:(مادر)

*شرکت برای کلیه رده های سنی آزاد است

*مهلت ارسال آثار پايان وقت اداری 20 آبان سال۱۳۸7 می باشد. ( تاريخ اعلام شده به هيچ عنوان تمديد نخواهد شد ).

*کلیه آثار تنها به صورت تایپ شده ودر یکطرف A4 و(تنها با حروف عربي) قابل پذيرش خواهد بود.

*هر فرد در هر موضوع و در هر گرایش زبانی حداكثر 3 اثر مي تواند ارائه نمايد.

*ضروریست برای تسهیل در جداسازی آثار. شرکت کنندگان در پشت هراثر ارسالی موضوع، قالب و گرایش زبانی اثر را قید نمایند.

*كليه آثار به طور جداگانه در گروه هاي مذكور تفكيك شده و به طور مجزا در دو گروه داوری ازداوران برتر کشور به تفكيك موضوع و قالب داوري خواهد شد و در بخش آزاد به 4 نفر برتر و بخش ویژه 3 نفر برتر در هر دو گروه زبانی تركي آذربايجاني و فارسي و همچنین هر دو گرایش قالبهای کلاسیک و قالبهای نو جوايز ارزنده اي اهدا خواهد شد.

*علاقه مندان مي توانند آثار خود را به نشاني : تبريز،خیابان امام خمینی،روبروی موزه آذربایجان،کوچه شهید دل حامد،کاشی4 سازمان فرهنگي هنري شهرداري تبريز و یا به ايميل khatt.3@gmail.com ارسال نمايند.

*به دلیل برخی مشکلات پیش آمده در جشنواره قبلی ، دبیرخانه جشنواره از پذیرش آثار دستنویس و همچنین دریافت آثار از طریق فاکس معذور است.

*براي كسب اطلاعات بيشتر علاقه مندان مي توانند با شماره تلفنهای 04115562191 و 04115565104 تماس گرفته و یا به وبلاگ جشنواره به نشانی www.khattesewom.blogfa.com و پایگاه اینترنتی سازمان فرهنگی هنری شهرداری تبریز به نشانی www.tabrizca.ir مراجعه نمایند.

دبیرخانه جشنواره از نطرات و پیشنهادات سازنده که جهت ارتقای سطح کیفی جشنواره موثر باشد، استقبال می کند.

زمان و مکان برگزاری جشنواره متعاقبا اعلام خواهد شد

خانه شاعران تبریز

سازمان فرهنگی هنری شهرداری تبریز

+نوشته شده در دوشنبه بیست و دوم مهر 1387ساعت9:44توسط صالح سجادی |

شهيدآناسي

سلام

بير بالاجا شعير شهيد لريميزين دوزوملو آنالارينا

...............................................

عزيز آنا

شهيد اوغلونو

چيين لرده آپاريرلار

توپراقلارا تاپشيرسينلار

آه

ائليميزده بير مثل وار...

آلله

هئچ مسلماني

يوخاري دان آشاغي گتيرمه سين.

+نوشته شده در سه شنبه بیست و چهارم اردیبهشت 1387ساعت13:4توسط صالح سجادی |